|
No 18 Joer Gemengerot, dovunner insgesamt 6 Joer am Schäffenrot, huet d’Dagmar REUTER-ANGELSBERG de 17. Juli dëst Joer bekanntgin, datt et seng Sëtzung sollt sin an hat sech äus der aktiver Gemengepolitik wéilt zeréckzéien.
D’Dagmar wor ëmmer e loyalen, fairen a kompetente Partner an et gin an eiser Gemeng vill Projeten déi seng Handschrëft droen, déi hat initiéiert huet oder un deenen hat aktiv matgeschafft huet. D‘Dagmar huet sech emmer fir d’Bierger an Biergeinnen vun eiser Gemeng agesat am Sënn vun enger nohalteger Politik an hat wäert dat och weiderhin maachen ouni an der éischter Rei ze stoen. Mär, déi gréng Suessem, soen dem Dagmar villmols Merci a wënschen eis, dat hat nach vill Joren aktiv bei eis matschafft. Als neie grénge Gemengerot ass d’Chantal FABER-HUBERTY de 25. September vereedegt gin. An senger Untrëttsried huet d’Chantal sech d’Ziel gesat fir ëmmer een oppend Ouer fir all d’Bierger an d’Bergerinnen äus der Gemeng ze hun, virun allem bei folgende Froen : - wéi wëlle mer an eiser Gemeng wunnen ? - wéi wëlle mer an eiser Gemeng schaffen ? - wéi wëlle mer an eiser Gemeng eis Fräizäit gestalten ? - wéi ass d’Liewensqualitéit an eiser Gemeng ? dat Ganzt natierlech am Sënn vun enger ökologescher an nohalteger Politik. Weiderhin wëll d’Chantal sech verstärkt asetzen fir eis Kanner a Jugendlecher, d’Leit vum 3. Alter an all d’Leit deenen et nët esou gutt geet. An dëser Zäit, an där d’Solidaritéit ëmmer méi wichteg gëtt, wäert d’Chantal sech dofir asetzen, datt all d’Bierger vun eiser Gemeng mateneen an nët nierfteneen wunnen. Mär all wënschen dem Chantal FABER-HUBERTY vill Courage, Äusdauer an Erfolleg bei senger neier Aufgab. Eis Epicerie op der Place de l'Indépendance zu Zolwer. D'offiziell Ouverture ass den 06 Juni 2015. Dat gëtt e flotten Dag mat engem Marché solidaire, mat show cooking woù e Vegan-Kach kënnt an zwar ass dat den Björn Moschinski, mat vill aner Animatiounen och fir Kanner. Den genauen Programm gët deemnächst op Facebook gepost (https://www.facebook.com/eisepicerie?fref=ts). Mär freen eis op äre Besuch.
|
Eis Zeitung
Kordallzeitung
On Tour!News Archive
June 2018
|
